Zengotitagane, Askako
eta San Kristobal

Trabakuatik irten eta Osma norabidean egiten dugu errepidez. 2 km pasatxo geroago eskuinera jotzen dugu, Zengotitaganeraino (3,7 km, 810 m) igotzen duen pista hartzeko, parke eolikoaren aerosorgailuen artean. Maldak oso gogorrak dira, ia ezinezkoak bizikleta arrunt batekin igotzeko —alderantzizko norabidean, ordea, igoera hori jaitsiera bihurtuta, bai egin daiteke ibilbidea bizikleta arrunt batekin.

Zengotitagane igaro ondoren gailurraren bidetik jarraitzen dugu Iturzuriganaraino (4,8 km, 858 m), bi aldeetara ikuspegiekin. Ura hartu nahi duenak eskuinera desbideratu ditzake metro batzuk. Handik pixka batera, aerosorgailuen paraleloan Oizeko goialdea zeharkatu ondoren, zementuzko pista batera jaisten gara, Askako gailur-eremurako igoeraren bila (5,7 km, 681 m). Handik, landaretzak ia ezkutatzen duen bidezidor eder batetik gurutzatzen dugu Askako, Garaiko udalak antolatzen duen AstoTrail lasterketa gogorraren ibilbide klasikoaren zati denetik.

Orduan Garairantz jaisten gara pagadi eder batetik, ibilbide osoko jaitsiera gozagarrienetako bat. Garaitik irten bezain laster iturri bat dago ezkerraldean, urtean zehar beti urarekin.

Garaitik San Kristobal Txiki ermitaraino (20,3 km, 493 m) igotzeko harrizko pista hartzen dugu —horrela ezagutzen da ermita hau, aerosorgailuen ondoan dagoen beste San Kristobal ermitatik bereizteko.

Abiadura betean jarraitzen dugu behera San José auzoraino. Trabakua eta Berriz arteko errepide nagusia gurutzatzen dugu eta errepide zaharretik gora egiten dugu Zengotita auzorantz, non dagoen San Juan ermita (24,5 km, 404 m), zirkulua ixteko zorian, Trabakura jaitsi aurretik.