Trail running/Intxorta/Zirkuitua
Ahuntzen
Mendi Lasterketa
Ahuntzen Mendi Lasterketaren ibilbidean oinarritutako zirkuitua, irteera eta helmuga Elgetan
— Distantzia, benetako GPX tracketik kalkulatua. Desnibela, +870 m ibilbideko datu gisa. GPXak zertxobait bestelako kopurua eman dezake aplikazio bakoitzak egiten duen leuntzearen arabera.
Oinez · Trail running
Ahuntzen Mendi Lasterketaren ibilbidea oinarri hartzen duen zirkuitu labur baina bizia da, erritmo aldaketa askorekin eta eroso joateko tarte gutxirekin. Igoerak pilatzen doaz, eta Intxortako azken igoerak bakoitzaren sasoi fisikoa proban jartzen du.
Arazo bat jakinarazi
Zuhaitz bat erorita, bidea moztuta edo ibilbide honetan zerbait aldatuta ikusi duzu? Kontaidazu, eta neuk gainbegiratuko dut fitxa eguneratu aurretik.
Elgetako plazatik abiatu eta herria iparralderantz zeharkatzen dugu. Azken etxeak atzean utzi, errepide nagusia gurutzatu eta berehala Goikomendi aldera altuera irabazten hasten den pista batean sartzen gara. Zirkuituko lehen igoera serioa da eta hasieratik erritmoa hartzeko balio du.
Goiko aldetik igaro ondoren altuera galtzen hasten gara. Jaitsierak presa ingurura eramaten gaitu, berriro igotzen hasi aurretik arnasa hartzeko tarte txiki batekin.
Presatik aurrera doan bidea hartzen dugu. Goiko pistarekin lotu aurretik ezkerrera egin eta askoz zuzenago igotzen den aldapa hartzen dugu, ia aurrez aurre. Altuera azkar irabazten dugu eta pista berera iristen gara aldaera dezente gogorrago batetik.
Pistara iristean atseden txiki bat dator, baina gutxi irauten du. Berehala berriro gora hasten da eta Erdella aldera altuera irabazten jarraitzen dugu, desnibela pixkanaka pilatuz.
Handik jaitsiera gogor bat dator errepide nagusiraino. Errepidea gurutzatu eta zirkuituko azken igoera handia hasten da: Intxorta.
Hasieran erritmo pixka bat hartzeko aukera ematen du, baina aldapa handitzen doa eta azken metroak gogorrak egiten dira. Une horretan desnibelaren zatirik handiena pilatuta daukagu eta igoerak bakoitzaren sasoi fisikoa proban jartzen du.
Intxortara iritsi ondoren Elgetarako jaitsiera hasten dugu, tarte azkarrak, bidezidorrak eta pistak lotuz. Altuera galdu ahala herrira itzultzen gara eta zirkuitua plazan ixten dugu.
Ibilbidearen mapa
Benetako GPX tracka OpenStreetMap gainean